Guwahati, Nailar 17: Ka AmritCem, kaba dei ka jaka pynïaid ïew ïa ka dewbilat ha kane ka thaiñ, ka la rakhe ïa ka 78th Independence Day bad ka “Northeast Kala Mela,” kum shibynta jong ka “Azadi Ka Mahotsav” campaign. Ïa ka prokram la rakhe naduh ka 15 haduh ka 18 tarik mynta u bnai, 2024, ha Guwahati Ropeway Terminal Field, ha kaba ki la don ki prokram bapher bapher haba ïadei bad ka jingriewspah ka riti dustur bad kiwei pat ki jingpyni ïa ki sap bapher bapher.
Haba pynlong ïa kane ka prokram da ka jingïatreilang bad ka Guwahati Metropolitan Development Authority (GMDA) bad kumjuh ruh ka Northeast Kala Mela, la pynlong ruh ïa ki jingpyninam, ki jingïakob bad ki workshop kaba long kum ka jingkyntiew ïa kane ka Northeast India. Ha kane ka la don ruh ka jingpynlong ïa ka “Har Ghar Tiranga” campaign, kaba kyntiew ïa ki kam shlur bad ka jingïalong kawei ha kylleng ka thaiñ.
Ha ka sngi kaba sdang ka 15 tarik mynta u bnai, ka AmritCem ka la leh burom ïa ki ex-servicemen ha ka prokram kaba kyrpang, kaba ithuh ïa ka jingshlur bad ka jingaiti jong ki na ka bynta ka ri. Ha kane ka prokram la pyninam lyngba ka National Level Art Exhibition bad Pavilion lyngba ki jingnoh synniang ha ki rukom bapher bapher ha kylleng ka ri.
Ki la don ruh ki tamasa bapher bapher ba kynthup ki jingïakob, ki art contest, ka ïakob shet jingshet, kids’ fashion show, bad kiwei. Katba ha ki workshop la kynthup ïa ka Live Art, Face Painting, Pottery, Calligraphy, Handmade Crafts, bad Digital Art.
Haba phai sha kane ka prokram u Pradeep Bagla, Managing Director ka Amrit Cement Ltd., u la pynpaw ka jingkmen ban sakhi ïa kane ka jingïashim bynta, da kaba ong, “Ka Northeast Kala Mela kadei ka jingainam ïa ka sngi rakhe laitluid hynrei ngi la rakhe ruh ha kajuh ka por ïa ka jingdon ki sap ki phong ki nongshong shnong halor ki jingshem thymmai kiba long ruh kiba don ka jingsarong ïa ka ri.”
Katba u Umang Bagla, Director ka Amrit Cement Ltd., u la pynpaw ba ka jingjop halor kane ka prokram kaba la pynlong ruh kum ka dak jingpynskhem ïa ka jingbun ki riti dustur bad ka roi ka san hapoh ki shnong ki thaw.
