Shillong, Nohprah : Ka Young Women’s Christian Association (YWCA), Shillong ka la rakhe ïa ka ‘Advance Christmas’ ha Rev Amirkha School for Disabled ha Mawlai Mawroh, Shillong ha ka 8 tarik mynta u bnai.
Ha kane ka program ba la pynïaid da I Programme Convenor jong ka YWCA, Shillong i Kong Niloufer Laloo la ia don lang ruh I Tbn E.W.Kharsohnoh, i Chairman ka Managing Committee jong ka skul kiba la ai ïa ka jingkren halor ka skul ba kumno ba ka KJP Synod sepngi ka sdang ïa ka skul lyngba ka jingïohi jngai ïa ka jingdonkam na ka bynta kine ki khynnah.
I Kong Banri Myrthong, Headmistress jong ka skul i la pynpaw ka jing sngewnguh ïa ka YWCA, Shillong ïa ka jinglakloi jong ka ban shim ïa kane ka bynta ban pynlong ïa kane ka prokram kaba kyrpang. Nalor kata la ïoh ka jingduwai sdang da I Dr (Mrs) Mebada W.L.Nongbri, YWCA Member bad la pule bad duwai da i Kong Diana E.Kharshiing, YWCA Member.
Katba na ka liang jong i Kong Mebaailang Kharkongor iba long I President I la ai ka jingkren shaphang ka YWCA, ki jingthmu bad ki kam jong ka.
Kane ka prokram ka la long ruh ka jingkyrkhu bad kaba jop ha kaba I Bah Bynrap Kurbah I Resource person ila ai ka jingkren halor ka jingmut jong ka Krismas kaba shisha kaba pynpaw ïa ka jingieit bad ban pyni ïa ka jingieit sha kiwei kumba u Jisu Khrist U la pyni sha ngi.
I Bah Bynrap Kurbah ila ïalamr uh ïa ki khynnah ha kaban ïashim bynta ha ka jingrwai Krismas kaba la pyndap ïa ki da ka jingkmen.ïa ka prokram la pynkut da ka jingduwai na I Tbn E.W.Kharsohnoh.Ka YWCA,Shillong ka ai ruh ki jingai sngewbha sha ki khynnah bad ïa ki nonghikai ban pynpaw kum ka dak ka Krismas kaba kmen.
