Shillong, Risaw, 07: U Chairperson jongka Commission ba tohkit ïa ka jingshah sïat ïap ki mynsiem briew ha Mukorah u Justice T Vaiphei ula rai ban sangeh noh shong bishar noh ka Commission ïa kane kak am namar ka sorkar Assam bad Meghalaya ki la rai ban aiti tohkit noh ïa kane ka jingjïa ha Mukroh sha ka CBI.
“ Namar ba ki ar ar sorkar kata ka Meghalaya bad Assam ki la ïarai lang ban aiti tohkit noh ïa ka jingjïa ha Mukroh sha ka CBI kumta kam long kaba dang dei ïa nga ban dang shong bishar bad tohkit halor ka jingjïa” ong u Justice Vaiphei.
“ Kumta nangne shakhmat kan ym don shuh ka jingshim bishar da ka Commission bad kane ka Commission kan sa duh hi suki suki khamtam tang shu la pynmih ïa ka jingpynbna” ong u Justice.
Ha ka 30 tarik Nailur ki ar Myntri Rangbah kata jongka Assam abd Meghalaya ki la rai ban aiti noh ïa kane ka jingtohkit halor ka jingshah sïat ïap ki mynsiem briew ha ka 22 tarik Naiwieng 2022 sha ka CBI. Kumjuh ruh ha katei ka sngi ki la rai ban pynkut noh ïa ka jingtohkit da ki Commission ba la thung da ki ar sorkar.
Lah ruh ban pynkynmaw ha katei ka jingther kuli ki pulit Assam ki don haduh hynriew ngut ki mynsiem briew kiba la duh ïa ka jingim ha katei ka jingjïa kaba kynthup ïa san ngut ki trai shnong na Mukroh bad uwei u Forest Guard jongka Assam.
