Rai set phatok ka ïing Bishar 25 snem ïa u briew ba leh beijot ïa la ka khun ha Shillong

Shillong Iaiong 6: Ka ïing Bishar ka la rai pynrem ïa u Deepak Thapa uba leh beijot ïa la ka khun rit ha u snem 2022 bad la rai set phatok ïa u haduh 25 snem kum ka jingpynsaja.
Ha ka kyrwoh kaba la phah da u Superintendent of Police, East Khasi Hills u Bah Vivek Syiem mynta ka Lah Sngi U BLei ula pyntip ba ïa ka ejahar la ujor ha Rynjah Police Station ha ka 5 tarik u Risaw 2022, kaba la kynnoh ba u Thapa ula leh be-ijot bad la pynngat ïa u hapoh ki kyndon ka POCSO Act.
ïa kane ka jingjia la tohkit, la aiti ïa ka charge sheet bad la set ha phatok hapoh ka Judicial Custody haduh 3 snem, 5 bnai bad 26 sngi katba u dang don hapdeng ka jingshah tian bishar.
Ha ka 1 tarik u Iaiong 2026, ka Special POCSO Judge R Rymbai ka la tian bishar bad shim ïa ka rai ban pynrem ïa u Thapa ha kaba ïadei bad ka Special POCSO Case No. 68 jong u snem 2022. La pynrem ïa u ban shong phatok sa 21 snem, 6 bnai bad 4 sngi kaba long baroh 25 snem ha phatok bad ban shah set phatok biang sa 3 bnai lada jia ba um siew ïa ka kuna.