Shillong, Naitung, 31: U Special Judge (POCSO) Court ha Shillong, East Khasi Hills u la rai pynrem ïa ki arngut ki briew, kata, u Stevenson Nongsiej ba ju khot sin kum u Steve bad u Tuparsing Lyngdoh Lyngkhoi ba ju khot sin kum u Bah Duh, ha kaba ïadei bad ka jingleh beijot ïa iwei i heprit.
Ïa kane ka case la register ha Rynjah PS Case No. 77 (05) 2015 bad ïa ka jingtohkit la bynshet ha ka WPI/S. Wanshnong.
Ka Kashari ka la rai pynrem ïa u Stevenson Nongsiej ba ju khot sin kum u Steve ban shong along 7 snem bad hukum ban siew ïa ka kuna T. 30,000 hajar kum ka jingpynshitom hapoh ka Section 4 jong ka POCSO Act.
Lada um lah ban siew ïa kane ka kuna un ban bteng ïa ka jingshong along sa 4 bnai.
Katba ïa u Tuparsing Lyngdoh Lyngkhoi ba ju khot sin u Bah Duh la rai pynrem da kaba set along 3 snem 6 bnai kum ka jingpynshitom hapoh ka Section 18 jong ka POCSO Act.
