Jowai, Nailar 14: Ka Kashari jong u District and Sessions Judge, West Jaiñtia Hills, N. A. Khan, ka la rai pynrem ïa u Patrick Dhar hapoh ka kyndon 302 jong ka IPC halor ka jingpynïap briew bad la rai ban pynsaja ïa u da kaba set phatok shi jingim ryngkat ka kuna kaba 5 hajar tyngka.
Ka mukotduma ka la sdang na ka ejahar kaba la mudui da ka Kong Bil Lamare ha ka 9 tarik, Jymmang, 2010 ha u Officer In-Charge jong ka Jowai Police Station, kaba kynnoh ba la pynïap ïa u para jong ka, u Rosingmon Lamare, ha shnong Barato ha ka step jong ka 8 tarik u Jymmang, 2010 da u Interly Talang bad u Patrick Dhar.
La register ïa kane ka case hapoh Jowai P.S. Case No. 72(5)2010 hapoh ka Section 302/34 jong ka IPC, bad la tohkit bad pynngat charge sheet da u SI W. Vaiche.
