Jowai, Nohprah 11: U Superintendent of Police (SP) ka West Jaiñtia Hills District, Jowai ula pyntip haka 10.12.2025 naka liang ka ïing kashari jong u N.A Khan, District & Session Judge, Jowai, kala rai pynrem ïa u Wanbha Bhoi naka shnong Mukroh hapoh ka kyndon U/S 376 (1)/506 IPC halor ka kam leh beijot bad ka kam byrngem briew jong u.
Ka nongujor katkum ka Ejahar (FIR) kaba dep ban ujor pyrshah ïa u Wanbha Bhoi haka 08.10.2018 ha u Officer In-Charge, Nartiang Police Station. La ïathuh ba haka miet jong ka 07.10.2018, haka por kumba 8 baje mynmiet u Wanbha Bhoi, ula leh beijot ïa ka ha ïing sah jong ka bad hadien kata ula byrngem ban pynïap ïa ka lada ka ïathuh briew ïa kane ka jingjia.
Ïa kane ka jingujor FIR la register ha Nartiang P.S. katkum ka kes No. 38 (10) 2018 U/S 450/376/506 IPC bad ïa ka jingtohkit la shimti da ka SI kong I. Kharpran.
Hadien bala pynkut ïa ka jingbishar, ka kashari kala rai pynrem ïa utei u Wanbha Bhoi da kaba set phatok 10 snem ryngkat bad ka kuna kaba Rs. 5,000/- (San hajar) tyngka kum ka jingpynkheiñ ia ka kyndon U/S 376(1) IPC bad na ka bynta ka jingpynkheiñ ia ka kyndon U/S 506 IPC la rai set ban set phatok 2 snem ryngkat ka kuna kaba Rs. 1,000/- (Shihajar) tyngka.
