Shillong, Naitung 26: Ka seng saiñ pyrthei ka United Democratic Party (UDP) ka la pynbna bad ka la rai ba kan sei ïa ki kyrtong ki ban ïakhun ïa ka elekshon MDC sha ka ïingdorbar thaw aiñ ka Garo Hills Autonomous District Council (GHADC).
Halor kane haba ïakren bad ki nongthoh khubor ha ka sngi Thohdieng, u nongïalam ka UDP Bah Titosstarwell Chyne ula pynthikna ïa ka jingthmu jong ka party ban ïakhun ïa ka elekshon haba pynpaw ba ki kam ki la sdang ban ïaid mynta ha Rilum Garo.
“Hooid, na ka liang ka seng ngin sa pynïeng kyrtong ha ka elekshon GHADC ban wan, bad haba ïadei bad kane ki kam ki la sdang ïaid kumba long mynta,” ula bynrap.
