Shillong, Nohprah, 12: Ka sorkar jylla ha ka sngi Nyngkong ka la pynbna ba kan pynrung lang ïa ka sobjek Science (Science Stream) ha baroh san tylli ki College sorkar.
Kine ki college sorkar ki kynthup ia ka Sohra College, Williamnagar College, Baghmara College, Mawphlang bad Mahendraganj College.
Haba pyntip ïa kane hadien ba la wai ka jingïalang jong ka Kynhun Myntri, u Myntri Rangbah ka Jylla Conrad K Sangma u la ong, ba kane ka sienjam ba ki shim kadei namarba ka National Education Policy ka kdew ba donkam ban don bun ki laiñ pule bapher bapher.
Shuh shuh u ong ruh ba dei na kane ka daw ki sngew ba ka long kaba bha tam ba kin sdang ban pyntikna ba ki college sorkar hi kin don kham bun tylli ki laiñ pule lane ki sobjek bapher bapher.
