Jowai, Naiwieng 30 : Ka Dorbar Shnong Nangbah Pyllun mynta ka kynti kala shim ïa ka rai ban ai ka jingkyrshan kaba pura ban pynjop donburom ïa u ma Lakhon Biam u ban sa ïakhun kum u MLA ha kane ka elekshon 2023.
Ki nongshong shnong ka Nangbah Pyllun ha ka Dobar kaba la long ha ka 19 tarik u Naiwieng 2022 ha Iawmusiang Muknor kila shim ïa ka rai bad da kawei ka sur ba kin ïatylli lang baroh ban ai ka jingkyrshan kaba pura ïa u ma Lakhon Biam uba dei ha kajuh ka por dei u MDC ka thaiñ uba la don jingthmu ban ïakhun ïa ka MLA 2023 na ka 3-Raliang Constituency na ka Party BJP.
Kum ki nongshong shnong ki don ka jingkyrmen ba lada u ma Lakhon un poi sha ka thong un sa lah ban wanrah shibun ki skhim pynroi pynpar hapoh kane ka Constituency baroh kawei, kaba dang donkam shibun bah ki kam pynroi haduh mynta.
