Shillong, Jymmang 10: Ka jingïalang jong ka kynhun Myntri kaba ka long mynta ka sngi, kala rai ban pyntreikam noh ïa ka Roster System ha ka Reservation Policy jong ka jylla.
Haba ïakren bad ki nongthoh khubor hadien ba ka wai kane ka jingïalang, u Myntri Rangbah u la ong ba ka jingpyntreikam ïa ka Roster System ka mut ban pyntreikam pyrkhing ïa ka Reservation Policy katkum ki jingmang kiba la don ha ka.
Lashai ka sngi ka don ka jingshim bishar biang halor kane da ka High Court jong ka Meghalaya bad ka sorkar ka hap ban ai jubab ha ïingbishar halor kane.
Na ka bynta kiwei pat ki jingdonkam ha kaba ïadei bad ka jingpyntreikam ïa kane ka System,m u Myntri Rangbah, ula ong ba kan long ka ka kam kaba hapban leh bniah bha bad ka sorkar kan hap shimkhia ïa kane da kaba peit ïa ki kyndon kiba don ha ka Reservation Policy.
Lyngba ka Roster System, kan don ka jingbhah bad ka jingmang ban aikam ruh ïa ki briew kiba don ha ka jingduna ki dkhot met, kaba long 4%. U la ai nuksa ba lada lait 25 tylli ki kam, kamut kawei ka kam dei ban ïoh kiba don jingduna ki dkhot met. Lada 10 tylli ki lait ki post, ka mut kiba don jingduan dkhot met kim ïoh, hynrei lada lait biang sa 15 tylli, kamut baroh 15 tylli ki kam yn ïoh ki briew ba don jingduna dkhot met.
