Nongpoh, Naiwieng 24: Ka Assam Petroleum Mazdoor Union kala shim syndon ïa ka rai ban sangeh pynpoi umphñiang Petrol shipor sha ka jylla Meghalaya na ka jinglong jingman kaba don mynta bad kumjuh ruh naka jingsheptieng ban wan kiew sha ka jylla ba kim shngaiñ ha ka leit ka wan hadien ka jingïoh jingtip ba ka don ka jingshah kawang maw bad shah thang jong ki kali ba wan na Assam bad khamtam kiba don ïa u number plate na Assam.
Ha ka shithi bala phah sha u Sr. Depot Manager HPCL, Depot, Betkuchi Guwahati katei ka kynhun ba ju pynpoi petrol sha ka jylla kila pynpaw ba kin shim ïa ka rai ban sangeh shuwa shipor namar ka jingsyier ha ka leit ka wan bad katba ka sorkar Meghalaya kam pynthikna ban ai ka jingpahara ha ka leit ka wan jong ki.
