Shillong, Iaiong 27 : Ka All India Congress Committee (AICC) ka la rai mynta ka Sngi Balang ban sospon lai snem ïa ki san ngut ki MLA jongka hangne ha Meghalaya. Kine ki long Dr Ampareen Lyngdoh, bah P.T Sawkmie, bah Mayralborn Syiem, bah Kimfa Marbaniang bad bah Mohendro Rapsang.
Haba pynthikna ia kane u President ka MPCC u ma Vincent H Pala ula ïathuh, ïa kane ka rai la shim da ka Disciplinary Action Committee jongka AICC.
“ Wat la ngam pat ïoh ïa ka hukum ha kti hynrei la pyntip ïa nga ba la dep rai ban sospon ïa ki baroh san ngut lai snem lynter” ïathuh u ma Pala. Ula ïathuh ïa kane ka rai yn sa phah kopi sha baroh san gnut ki MLA. ïa kine ki san ngut ki MLA la rai ban sospon namar ba ki leit ai ka jingkyrshan ïa ka sorkar MDA kaba don lang ka BJP khlem da ïoh jingbit na ka AICC ne na ka MPCC.
