Nongpoh, Jymmang 132: U Bah Baiahunlang Makdoh ba ju khot ieid kum u Bah Baia u ba dei ruh u ophisar bala shongthaid naka tnad PWD (Rds) u la rai ban mih pyrthei bad ban aireng ha elekshon sha ka iing dorbar thaw aiñ ka jylla ban long ha u snem 2023 na Mawhati Constituency.
Une u rangbah u dei naka shnong Mawrong ha Ri-Bhoi bad u la pule bad pyndep ïaka kyrdan BE (Civil) na Ahmedabad bad kum juh ruh na Gujarat, bad u la trei kum u ophisar haka tnad PWD la kumba 30 snem hadien ba u la shongthaid noh naka kam bad dei hadien ka jingpyrkhat janai ïaka jinglong jingman ka Mawhati, u tei u rangbah u la shim ïaka rai ban aireng haka elekshon sha ka iing dorbar thaw aiñ ka jylla ha u snem 2023.
