Rah u Bah Pyrkhatlang ha ka Over All Winner Mr. Ironman Amateur Body Building Championship
Jowai, Nailur 17: Ka rynsan pyni dohksah bala pynïaid daka Jaiñtia Body Building & Fitness Association (JBB&FA) da ka jingkyrshan lang ka Meghalaya Body Building & Fitness Association (MBB&FA) bad ka World Fitness Association (WFF) kaba la tip kum ka Mr. Ironman Amateur 2024 “4th All Meghalaya Amateur Body Building Championship” kala poi sha kaba kut ha kane ka sngi Saitjaiñ jong ka 14 tarik u Nailur, 2024 ha District Library Auditorium Mynthong, Jowai.
Ïa ka nam jop haka Over All Winner Mr. Ironman Amateur Body Building Championship-2024 la ïoh rah syndon da u Pyrkhatlang Khongwir na ka Strength Camp & Fitness Shillong. Ïa ka nam Over All Winner Men’s Physique Championship 2024 la ïoh rah da u Aristotle L. Rynjah na ka Body Zoo Gym Shillong. Katba ha ka Women’s Fitness Championship la jop da ka Monica Ryngkhlem na ka Body Mass & Fitness Gym Panaliar Jowai.
Ha ba phai sha ka jingïakop Denim Jeans Model Championship 2024 la ïoh rah da u Pynshngaiñ Dkhar na ka Satar Gym Ummulong WJHD, ba ar u Daniel Nongkhlaw na ka Fitness First Gym Shillong, ba lai u Prian Suting na ka Satar Gym Ummulong, ba saw u Bansharai Khardewsaw naka Fitness Centre Gym Shillong bad ba san da u Ronando Brandon Mawlong na ka Iron House Gym Shillong.
Ha ka Men’s Physique below 5.5 Category la jop da u da u Aristotle L. Rynjah na ka Body Zoo Gym Shillong, ba ar u Andrew Pakyntein na ka T.S.G Gym, ba lai u Pynioladmiki Pala naka Satar Gym Fitness Ummulong, ba saw u Gary Nielson Massar na ka Alpha Age Gym bad ba san u Donbor Tariang na ka Body Mass & Fitness Gym Panaliar Jowai.
Ha ka Men’s Physique above 5.5 category la jop da u Deepak Chetri na ka Iron House Shillong, ba ar u Kiran Bubha Magar naka Iron House Shillong, ba lai u William Rymbai Satar Gym Fitness Ummulomg, ba saw u D. Paoshe na ka Iron House Gym Shillong bad ba san u Elnathan J. Warjri na ka Body Zoo Shillong.
Ha ka Men’s Body Building Below 55 kg la jop da u Daman Kynsai Ropway na ka Fitness Firs Gym Shillong, ba ar u Mayalang Pakem na ka Body Mass & Fitness Gym Panaliar Jowai, ba lai da u Wanshem Nam Mawsor na ka Living String, ba saw u Pynhun Nongpluh na ka Fles Apeal Khliehriat EJHD bad ba san da u Chongnia Kynjing na ka Satar Gym Ummulong.
Ha ka Men’s Body Building 60 kg la jop da u Pynshai Rymbai na ka Fittorium Gym Shillong, ba ar u Gary Nielson Massar na ka Alpha Ace, ba lai da u Ioanis Sangma na ka Living Fitness Gym, ba saw u Donbor Tariang na ka Body Mass & Fitness Gym Panaliar Jowai bad ba san da u Banshanlang Syiem na ka Riban Fitness Gym.
Ha ka Men’s Body Building 65 kg la jop da u Pyrkhatlang Khongwir na ka Strength Camp & Fitness, ba ar u Andrew Pakyntein na ka TSG Gym, ba lai u Harbinger Dkhar na ka Body-Zoo Gym Shillong bad ba saw da u Raju Disiar naka Power Flex Gym.
Ha ka Men’s Body Building 70 kg above la jop da u Denzil M Bang na ka Body-Zoo Gym, ba ar da u Kyrshang Bor Dkhar na ka TSG Gym, ba lai u Elnathan J. Warjri na ka Body Zoo Gym Shillong, ba saw u Banbhabok L Nongrang na ka The Royal Gym bad ba san da u Vincent K. Mawlong naka NEIGHRMS.
Ha ka Men’s Body Building 75 kg la jop da u Mebanteinam Lyngdoh naka Fitness First, ba ar da u Synta Shylla na ka Flex Appeal Gym Jowai, ba lai u Donbor Syiemiong na ka Body-Zoo Gym Shillong, ba saw u Khrawkupar L. Warjri na ka Fitness Centre Shillong bad ba san u Kmenlang Lyngdoh na ka Body-Zoo Gym Shillong.
Ïa ki khusnam sha ki nongjop la sam da u kongsan jong kane ka sngi u ma Wailadmiki Shylla uba dei ruh u MLA ka Jowai, u Dolloi ka Elaka Jowai ma Puramon Kynjing, u District Sports Officer ka WJHD ma K. Passah, ki nongkitkam ka Meghalaya Body Building & Fitness Association (MBB&FA) nalor kiwei kiwei de.
Na ka liang u President ka JBB&FA u samla Yoosar Kynjing ula ïathuh ba ka thong ban pynlong ïa kane ka Mr. Ironman Amateur 2024 “4th All Meghalaya Amateur Body Building Championship” ka long shi bynta ban ai mynsiem ïa ki khun samla ka Ri-Lum Jaiñtia ba kin mih shakhmat ban pynpaw pyrthei ïala ka met ka phat ba ki don ha kum kine ki rynsan pyni dohksah.