Shillong, Nailur 06: Ki nonghikai jong ka skul Pine Mount School Shillong ha ka sngi Ba-ar ki la pynlong ïa ka jingïakhih ha ki phyllaw jong ka skul ban dawa ba ka sorkar ka dei ban weng noh ïa ka Principal jong kane ka skul ka Kong Aiom Ksiar Diengdoh namar ka jingbym lah jong ka ban pynurlong ïa kiba bun ki jingdonkam kiba kum ka skul bad ki khynnah pule ki donkam.
Haba kren bad ki katto katne ki nonghikai kiba rah lama ïong ki la ïathuh ba ka jingïakhih ka long ba namar ba ka sorkar kam sngap ïa ka jingdawa kaba kiba buh la katto katne por hynrei dei namar ba ka sorkar kam pynurlong ba kim banse ban shim da kane ka sienjam bad lada ka bteng ban sngap mynthi ki la ïathuh ba kin shim sa da kiwei pat ki sienjam.
Kine ki nonghikai ki la mih ban ïakhih hadien ba ki la pyndep ïa ka kamram ai jinghikai bad ki la ïathuh ba kane ka jingïakhih jong ki ynda wai skul ka long ban ym pynthut ïa ka jingai jinghikai kaba ki khynnah skul ki donkam.
“Ngim shym la knieh ïa ka hok ba kin ïoh jinghikai hynrei ki ïoh ka jinghikai kumba ki ju ïoh man ka sngi namar ngi ïakhih ruh ynda la wai skul khnang ba ngin ym long maw jynthud ïa ka pule puthi jong ki” ong kawei na ki nonghikai.
