Rah ka Rangmaw SC ha ka Super Division Cricket League 2025-26 ha Motmeron, Jakrem

Mawkyrwat, Rymphang 18: Ka Rangmaw Sports Club kaba dei kawei na ki kynhun ïalehkai Cricket ka la rah ïa ka nam lahduh ha ka lympung ïalehkai ba la tip kum ka Super Division Cricket League 2025-26 ba la pynïaid da ka South West Khasi Hills District Cricket Association ha madan Motmeron, Jakrem, South West Khasi Hills District.
Ka jingrah ka Rangmaw Sports Club ïa ka nam lahduh ka dei hadien ba ka la lah ban pynliem noh ïa ka Rangthong CSA da 6 wicket.
Ka Rangthong CSA ka la jop ïa ka jingkynting pisa bad jied ban tied nyngkong bad ha ka jingtied nyngkong, ka la lah ban kamai tang 88 run na ka 35 obar bad hap lut baroh ki nongtied tang hapoh ka 27 over.
Haba beh ïa ka thong, ka Rangmaw SC ka lah ban pynjop tang hapoh ka 15 obar bad hap tang 4 wiket.
Ïa kane ka lympung la wan ban pynhap pyrda da u Bah D. Syngkon, District Sports Officer jong ka South West Khasi Hills ha ryngkat ka jingdonlang u bah Kitborlang Nongrem, Myntri Shnong Rangthong, bah Pascal Wahlang uba dei u Myntri Shnong Jakrem, ki nongkitkam jong ka association bad kiwei kiwei.