Nongpoh, Ïaiong 22: Ka Mawlasnai Parish mynta ka sngi ha ka jingpynhap pyrda noh ïa ka Inter Parish Football Tournament 2022 jong ka Zone VII ba la pynlong ha Madan ïalehkai ka Shnong Nongrah Umroi ka la ioh rah syndon ïa ka nam lahduh hadien ba ka la pynlien noh ïa ka Mawbri Parish ha ka jingïakhun ban ioh rah ïa ka nam lahduh jong kane ka tournament.
Ïa kane ka tournament la wan ban pynhap pyrda da u MLA ka Umroi, u Bah George B. Lyngdoh kum u kongsan bad la sakhi lang ruh da ka jingdon lang u Bah Richard Kahit, President Seng rangbah shillong Archdiocese kum u symbut kongsan bad kynthup ruh u Bah Jona Shadap, President ka Zone VII, Fr Balestine Marbaniang Parish Priest Mawbri, Sport Secretary, Joplin Sten bad kiwei kiwei ki riew ranghah na ka Balang Katholik ba hap ha ka Zone VII.
Ki parish kiba la wan ban shim bynta ha kane ka tournament ki kynthup ïa ka Parish Mawlasnai, Mawbri, Umsohlait, Umbir bad Parish Umsning bad napdeng kitei ki 5 tylli ki Parish ka Mawlasnai Parish ka la ioh ioh rah ïa ka nam jop hadien ba ka la pynliem noh ïa ka Mawbri Parish da 1-0 ha ka jingïakhun ïa ka phainal ban ioh rah syndon ïa kane ka nam lahduh jong ka tournament.
Ha kane ka sngi la sam ruh ïa ki khusnam sha kitei ki ar kynhun kiba la ioh rah ïa ka nam jop bad kynthup ruh ki khusnam shimet ba kynthup player of the match ba la rah da u Bah Wallam shadap na Mawlasnai parish, player ka tournament da u Hubert Syngkli, Best Goalkeeper da u Abiroi Mawroh na Mawlasnai Parish, ha kaba ïa ki khusnam la sam da u MLA ka Umroi, u Bah George B. Lyngdoh kum u kongsan jong kane ka sngi ba la pynhap pyrda noh ïa kane ka tournament.
