Mawkyrwat, Jylliew 17 : Ka Pongkung Sports Association, East Khasi Hills District ka la ïoh ban pynkut noh ia ka 16th Men’s Invitation Knockout Football Tournament 2025 ha kaba ha ka Lad Um Risain Football Club ka la pynliem noh ïa ka Local Legend Football Club da 2 – 3 kol ha ka Tie Breaker ha madan jong ka shnong Pongkung, East Khasi Hills District.
Haba phai ha ka jingïakhun, ha ka regular time ka Local Legend FC bad ka Lad Um Risain FC ki la ïa khaid mar ar kol kathaduh ba ki nongpynïaid ki la hap ban pynïaleh noh da ka Tie Breaker namar ka jingïakhun jong ki ka long mar ïa biang bor.
Ka Lad Um Risain FC kaba la rah ïa ka nam lahduh ka la ïoh ban rah ïa ka song pisa kaba T. 1 lak tyngka ha ryngkat ka khusnam bad ka Local Legend FC pat ka la ïoh ban rah ïa ka song pisa kaba T. 40 hajar tyngka.
Ïa ka nam nongapkol bat bit la ïoh da u u Vicky Mawlong jong ka Lad Um Risain FC bad ‘rangïalehkai bat bit ka leit sha u Shlurbon K. Shilot jong ka Local Legend FC.
U kongsan ha kane ka sngi u dei u bah Soly Lyngdoh ha ryngkat da ka jingïadonlang u bah Macdonald Marbaniang, Secretary jong ka Pongkung Sports Association lem bad kiwei de.
