Nongpoh, Jylliew 12: Ki kynhun ïalehkai Basketball jong ka Patharkhmah haka liang ki kynthei bad kumjuh ruh ki shynrang kila rah syndon ïaka nam lahduh haka lympung 1st Spring Cum Summer Basketball Tournament 2022 bala pynlong da ka Patharkhmah Sports Club ha madan ïalehkai Basketball ka Patharkhmah Government Higher Secondary School.
La sakhi ruh ha katei ka sngi ka jingpynhap pyrda noh ïa katei ka lympung da ka jingdonlang u Bah Najim Kharmalko Sordar ka Patharkhmah, Bah Ripolas Nongtri bad kiwei kiwei ki riew rangbah ha katei ka thaiñ ba kynthup ruh ki nongïalam jong ka Patharkhmah Sports Club.
Ka jingïakhun phainal haka liangh ki shynrang ka la long hapdeng ka Patharkhmah Basketball Team pyrshah ïa ka Patharkhmah Govt Higher SS, ha kaba ki rangïalehkai ka Patharkhmah ki la lah ban pynliem noh ïa ka Patharkhmah Government Higher SS da 42-31 basket.
Ha ka liang ki kynthei, ka la long hapdeng ki thei ïalehkai ka Patharkhmah Basketball Team pyrshah ïa ka St. Peter’s SS Umkadhor, ha kaba ki thei ka Patharkhmah ki la lah ban pynliem kput ki kynthei ka St. Peter’s SS.
La sam ruh ïaki khusnam ha katei ka sngi ha kaba ka kynhun ki shynrang jong ka Patharkhmat kiba la rah ïaka nam lahduh kila ioh ban khur ïaka song pisa kaba T. 15 hajar lem bad ka Trophy bad kaba la shah rem, ka la khur ïa ka song pisa kaba T. 7500/-. Ha ki kynthei ka kynhun kaba la rah ïa ka namlahduh, ki la khur ia ka song pisa ka T. 10 hajar lem ka Trophy, kaba la kynhun ba la shah rem, ka la khur ïa ka song pisa kaba T. 5 hajar lem ka Trophy.
