Shillong, Naitung 18 : Ka Eastside Inn FT ka la ïoh rah ïa ka nam lahduh jong ka lympung kynjat phutbol kaba la pyniaid da ka Khasi Students’ Union (KSU) Wapung Unit ka 2nd Lurshai Hynniewta Knock Out Football Tournament 2022 ka ba dei ha ka Kyrteng jong u Khla Wait Ka Ri U (L) Lurshai Hynñiewta (Bam kwai ha duwar U Blei).
Ka Eastside Inn FT ka la ïoh rah nam lahduh hadien ba ka la pynliem noh da 2-1 kol ïa ka Lad Rymbai Dong Wah ha ka jingïakhun final kaba la long ha ka sngi Saitjaiñ jong ka taïew ba lah dep.
La pynlong ïa kane ka tournament kum shi bynta ban kynmaw burom ïa u Samla (L) Lurshai Hynniewta u ba dei u dkhot ka seng u ba la khlad noh ha ka jingshah pynïap ha ki bym dei ki trai jylla ha Ichamati ha u snem 2020
Ïa kane ka lympung la wan pynhap pyrda da u Rangbah Happy E. Rymbai kum u kongsan bad u Rangbah Streamly Suchen kum U Sambud Kongsan u ba dei ruh u President KSU EJHD Unit, Rangbah K. S Suchiang kum u Special Guest u ba dei u General Secretary KSU EJHDU, nangta u Rangbah Cherity Suja kum u Special Guest Asst. Finance Secretary KSU EJHDU ha ka jingïadon ki nongkitkam Dong jong ka Moopyniein bad ki riew Rangbah bad riew kynthei jong ka shnogn Wapung bad na kiwei pat ki shnong.
Kum ban shu pynkynmaw ba ïa kane ka jingïalehkai football la sdang naduh ka 25 tarik u Jylliew 2022 ha kaba la ïawan ïashim bynta da ki 16 tylli ki team na jan bad na jngai jong ka Ri Lum Jaintia.
Khatduh khatwai ka KSU Wapung Unit lyngba kane ka kyrwoh ka shim ïa ka kabu ban ai khublei kyrpang ïa u Rangbah Happy E Rymbai, ïa ka Dong Moopyniein bad kumjuh ka ai khublei khyllum lang sha baroh ki briew bad ki kynhun kiba ïashim bynta ha kane ka lympung.
