Shillong, ïaïong, 29: Ka National Hynñiewtrep People ha ka sngi Thohdieng ka la pynpaw ïa ka jingpyrshah halor ka jingïasoi ïa ka Memorandum of Understanding (MoU) hapdeng ka Sorkar Meghalaya bad ka Sorkar Assam na ka bynta ban pynkut noh ïa ka jingïakajia pud ha ki 6 tylli ki jaka kiba don ha khappud ka jylla Meghalaya bad ka Jylla Assam.
Ha ka jingïakren bad ki lad pathai khubor, u Vice President ka Seng u Bah Kharlessbon Nongbri u la ong ba ka jingaiei jong ka Sorkar Meghalaya ki jaka ki puta jong ki riewshimet sha ka Jylla Assam ka long ka bym lah satia ban pdiang daleilei ruh em.
Shuh shuh u la ong ruh ba ka Seng kan ai jingkyrshan ïa kino kino ki kynhun kiba leit mudui sha Iingkashari pyrshah ïa ka jingïasoi ïa ka Memorandum of Understanding hapdeng ka Sorkar Meghalaya bad ka Sorkar Assam.
