Shillong, Jymmang 02 : Ka Khasi Jaintia Christian Leaders Forum (KJCLF) ha ka jingïalang kaba dang shu lah shen ka la pynpaw ka jingpyrshah halor ka rai jong ka sorkar ban ithuh noh ïa ka kam khalai ha ka jylla.
Katkum ka kyrwoh ba la phah da u Rev EH Kharkongor ba dei uSecretary ka KJCLF la ong ba tang namar ka kam khalai ki kharoi bun jingmlien bad ki jingim ba sniew jon gki paidbah la ka long ha ka thok ka shukor, ka leh tuh, ka pynïap briew ruh tang ban ïoh pynhun ïa ka jingbrai khalai.
Nalorkata la ong ruh ba ka kam khalai ka ktah wat ïa ki ïing ki sem bad wat haduh u pud ka jingïashong khlad ne pyllait san shyieng ruh nalor ka jingthombor ïa ki heprit bad ka jingktah kti ïa ki nongtrei ïing briew.
Halor kane ka bynta, ka KJCLF ka kyntu jur ïa ka sorkar jylla ba kan peit bniah ïa katei ka bynta bad ruh ban weng noh ïa ka Meghalaya Regulation of Gaming Act 2021.
