Shillong, Naitung 15 : Ka FKJGP Mawprem Circle ka pyrshah jur ïa ka sorkar ban wanrah ïa ki khar metor ha TB Hospital, Upper Mawprem namar ha kine ki thaiñ la jyllei bad la bun da ki khyllah jait ba wat haduh kine ki sngi la bun palat ki jingsniew ki bym lah shu ban ñiew namar ba ka dei ka jaka kaba ïa shong khleh jaidbynriew bad la bun u mynder ban ïa ki trai shnong bad ka sorkar ka pyrshang bad thmu ban wan rah shuh shuh sa ïa kitei ki khar metor kiba la dei lypa ki briew kiba la ïatyngkhuh jingeh shibun bad ka jaidbynriew Khasi. Kane kan wanrah bad pynlong ban kharoi ki jingsniew bad ka jingpynkhapngiah ïa ka shnong ka thaw lada ka sorkar ka thmu bad wanrah ïa kine ki briew. Te kumta na ka liang ka FKJGP Mawprem Circle kan pyn eh bad kan ïaleh ban nym ai lad da lei lei, lada ka sorkar ka thmu ne leh donbor ïa kaei kaba ki nongshong shnong bad ki shnong kiba marjan kim sngewtynnad ïa kine ki briew kiba ju pynkulmar shnong man la ka por ha kaba nla ïohi bad sakhi ha kine ki snem Kkba la leit noh.
Lada ka sorkar kam sngap bad leh donbor na ka liang ka seng kam banse ban ïa khun bad ïaleh wat lada dei ban pan jingkyrshan na u paidbah ha kaba ïadei bad ka jingthmu jong kane ka sorkar. Te kumta na ka liang ka seng ka maham tyngeh ba lada ka sorkar ka bakla ban rai kum ka seng kan nym kynran dien bad ka sorkar kan bah khlieh lada jia ba don ka jingïaumsnam.Kane ka long ka kyrwoh na u President u Reginald Thabah.
