Nongpoh, Risaw 09: U Deputy Commissioner bad Chairman jong ka District Level Task Force, Ri-Bhoi District, Nongpoh u la pynbna paidbah ba baroh ki nongshna, nongbuh thup, nongshalan, nongdie bad ki nongpyndonkam ïa ki plastic ki dei ban bud pyrkhing katkum ki kyndon aiñ jong ka Provisions of Plastic Waste Management (Amendment) Rules 2021.
U la hukum ba ka jingrben jong ki pla plastik kam dei ban duna ïaka shispah arphew micron (120 ) bad ki non-woven plastic kim dei ban duna ïa ka hynriew phew gram ka jingrben ha ka shi square meter (>60 GSM). La mana jur ban pyndonkam ïa ka jingshna, jingshalan, jingbuh thup bad ka jingdie bad pyndonkam ïa kine ki plastic, ki ba kynthup ïa ki polystyrene bad ïa ki plastik ba shna na ki polystyrene kum ki jingkhlong shkor ba shna da ki plastik, ki dieng plastik ba shna ïa ki ballon, lama plastik, dieng ice-cream, polystyrene (Thermacol) ba pyndonkam ha kino kino ki jingpynitynnad. Ki pliang plastik, pela plastik, klat, ki proh, shamoit, tari, pipe plastik, tre, jingsong plastik ba pyndonkam ban song ïa ki jingbam thiang, card khot sngewbha, ka song sikret bad plastik lane PVC banner ki dei ban ym duna ïa ka jingthew kaba hapoh 100 micron
Ka jingpyndonkam ïa ki plastik da kaba kam ba ki lah ban pyut ki dei ban ioh ka syrnod na ka Central Pollution Control Board (CPCB).
