Shillong, Lber 28: Ka Ophis jong u Deputy Commissioner (Supply), South West Garo Hills, ka la pyntreikam ïa u nombar jingiarap ne helpline ba kyrpang (+91 7005926621) ban weng ïa ki jingeh kiba ïadei bad ka jingpynpoi bad sam ïa ka LPG, petrol, bad diesel hapoh ka District.
Haba pyntip sha ki paidbah, ka ophis ka la pynthikna ba ka don ka stock kaba biang bad ka jingpynbiang khlem sangeh ïa ka LPG bad ka umphniang ha kylleng ka South West Garo Hills.
La kyntu ïa ki nongshong shnong ba kim dei ban sheptieng bad ban kiar na kaba pynsaphriang ne shaniah ha ki jingtip ki bym pat lah ban pynshisha.
U helpline number un trei kam haba don ki jingujor, ban wad jingtip, bad ban ai jingtip ïa kino kino ki jingbym ïahap ha ka rukom pynbiang bad sam ne supply.Ia u number lah ban shu phone, SMS, bad WhatsApp ban ioh jingïarap kloi.
La pynshlur ïa ki nongshong shnong ban pyndonkam pura ïa kane ka jaka ban pynthikna ïa ka jingshakri kaba ïaid beit ïaid ryntih bad kaba paka.
