Shillong, ïaïong : Ka Khasi Students’ Union (KSU, Laitkor Unit ha ka 12 tarik mynta u bnai ka la pynlong ka jingkhynra Trading Licence katkum ka Inter state migrant workmen (amendment) Act 2011, kata pyrshah ïa ki nongkhaïi bad nongtrei bar jylla ki ba don ha ki thaiñ Laitkor pyllun baroh kawei.
Ha katei ka jingleit khynra ka Seng ka la lap haduh palat 100 ngut ki bar jylla ki bym don satia ïa ka Work Permit lane kino kino ki kot syrnot jingpynshisha, bad la ïoh ban khang ruh kumba santylli ki dukan bym don ka ka Trading License.
Kumta, ha ha katei ka sngi na ka liang ka Seng ka la maham tyngeh ïa ki Khasi ba kim dei ban buh nong bylla da ki bar jylla ki bym biang ki kot ki sla ki sla namar kan buh jingeh ïa ki paidbah nongshong Shnong hadien habud.
Ha kajuh ka por ka seng ka maham jur ruh ïa ki trai dukan ba kim dei satai ban ai wai dukan sha ki bar jylla ki bym don ïa ka trading license lem kumta ka seng kan pynshitom ïa ki da ka aiñ ka ba tyngeh.
Shuh shuh ha katei ka jingleit khynra la ïalam da u Organising Secretary jong ka Seng u Samla Julius Mawrie, ka jingïa don lang lang ruh u President u Samla Kyrmenlang Mawrie, ki dkhot ka Laitkor Unit kumjuh ruh ka jing synran lang da u assistant Secretary ka KSU Nongthymmai Circle bad u Sports Secretary ka Nongkrem Unit nalor ki dkhot jong ka Seng.
