Pyntip ka MBOSE ba kan sa pynlong ïa ka supplementary Examination ïa kiba pheil SSLC

Shillong, Ïaïong 07: U Director Accreditation bad u Controller ka Examination ka Meghalaya Board Of School Education u Bah T.R. Laloo u la pyntip ba ka Board kan sa pynlong ïa ka supplementary examination 2026 na ka bynta kito kiba pheil ïa ka SSLC 2026 kan long naduh ka 1 tarik u Jymmang, 2026 haduh ka 8 tarik u Jymmang, 2026.
Kumta la bthah ïa kito kiba pheil ïa kane ka exam SSLC kaba la pynbna ha ka 7 tarik u Ïaïong, 2026 ki lah ban applai ban ïakhun ïa ka supplementary exam kan sdang naduh ka 14 Ïaïong, 2026 da kaba applai online bad kan kut ha ka 21 Ïaïong, 2026.
Ki samla kiba pheil ki hap ban applai lyngba ki jaka kaba ki ïoh ban thoh ïa ka examin bad ïa kane kin sa ai jingtip ha kine ki sngi la bthah ïa baroh ki samla kiba applai ba kin peit bha ha ka website jong ka MBOSE www.mbose.in kane ka long katkum ka kyrwoh kaba la phah sha ki lad pathai khubor ha ka sngi baar.