SHILLONG, Naiwieng 02: Ka East Khasi Hills Cricket Association (EKHCA) ka la ïoh ban jied pynthymmai ïa ki nongkitkam na ka bynta ka samoi treikam jong u snem 2025-2028.
ïa kane la pyndep ha ka jingïalang ba kyrpang lane ka Annual General Meeting (AGM) ba la pynlong ha Ophis treikam jong ka synjuk kaba don ha Bañuin, 7 mer.
Lyngba kane ka jingïalang ka EKHCA ka la bynshet ïa ka kyrdan President sha u Bah Dister M Marbaniang, katba u Bah Poilang S Ihawmuit u la shah jied ban shimti kum u Working President bad u Bah Rudy Nongbri kum u Vice President.
La jied Adviser ïa u Bah Rudy Shangpliang, nangta u Bah Aaron G Diengdoh kum u General Secretary, bad Assistant General Secretary ïa u Bah Nativity Blah, u Bah Ronald A Diengdoh un shimti ïa ka kam kum u Treasurer. La bynshet ruh ïa ka kam Secretary sha ka kong Phibakordor Diengdoh, ka ban peit ïa ka kriket jong ki kynthei. Ka kong Phibakordor Diengdoh ka la shah jied ban long Secretary ïa ka kriket jong ki kynthei.
Ka EKHCA ka la jied ruh ïa 3 ngut ki Zonal Secretary, kiba kynthup ïa u Nangkiewkor Donn, u Marken Bill Kharkongor bad u Lamhok Tiewsoh. Nalor kine, ka EKHCA ka la jied ruh 10 ngut ki Executive Member.
