Shillong, Naitung 28: Ka East Khasi Hills Basketball Association [EKHBA] ka la pynlong ïa ka jingïalang bah kaba ar ne ka 2nd Annual General Meeting ha ka 26 tarik Naitung 2025, ha kaba ka la lah ïa ka ban jied bad pynthymmai biang ïa la ki nongkit kam naka bynta ka samoi 2025-2028.Ha kane ka jingïalang, la jied ïa ka Dr M. Ampareen Lyngdoh, kum ka President, Working President u Bah James Lyngwa, General Secretary Symper Ryntathiang, Treasurer Andy Basaiawmoi, Senior Vice President Kitkuparlang Kharshiing, Joint Secretary Dilip Gurung.
Ka jingïalang ka la jied ruh 4 ngut ki vice president ba kynthup ïa kong Audri Synnah, Audri Nongrum, Dulon Kharsati, Fantin S. Lakadong. Nalor katta la jied ruh ia 4 ngut ki Associate Secretaries ba kynthup ïa, Wini Warjri, Sharon Lyngdoh, Wanbok Pyrbot, Pyngshngain Moksha. Shuh shuh ka jingïalang ka la jied ruh ïa ki dkhot jong ka Executive Members kiba don baroh 10 ngut.
