Shillong, ïaïong, 09: Ki nongïalam jong ka National Hynñiewtrep Peoples (NHP) ha ka sngi Saitjain ka la pyntip paidbah ba ka la suit la shor thymmai ïa ka kyrteng jong seng ïa kaba yn tip noh nangne shakhmat kum ka National Hynñiewtep Peoples Federation (NHPF).
Ha ka jingïalang kaba la long dang shen, ka seng ka la pynthymmai ïa ki nongkitkam ha kaba ïa ka kam President la pynkhamti ha u Bah Andreas Nongkynrih, Vice President Bah Andreas Kharlyngdoh, General Secretary Bah Kitbor Ïawphniaw, Organising Secretary Banbhalang Sakra, Chairman Finance Bah Dominic Lyngkhoi, Asst. Finance Bah Jubinal Rymbai bad Disciplinary Secretary Bah Lakhon Shylla.
