Shillong, Jylliew, 19: Ka Sorkar Meghalaya ka thaw thymmai biang ïa ka Anti Narcotics Task Force ka ban treikam ruh kum ka State NCORD Secretariat na ka bynta ka jylla Meghalaya ha kaba u Inspector General of Police (CID) Meghalaya un long kum u Chairman; u Assistant Inspector General of Police (Re-Orgn) Shillong kum u Member Secretary bad u Commissioner of Excise, u Deputy Inspector General of Police (Eastern Range) Shillong, u Deputy Inspector General of Police (Western Range) Shillong, u Superintendent of Police (CID) Shillong, u Superintendent of Police jong ka East Khasi Hills, u Superintendent of Police ka East Jaiñtia Hills, u Superintendent of Police ka West Jaiñtia Hills bad u I/c CELL-X (NDPS), CID Meghalaya, Shillong kin long kum ki dkhot.
Ka Anti Narcotics Task Force kan treikam halor ki lai tylli ki thong, kata, ban tem bad ban khanglad ïa ka jingkhaii drok bad ban pynngat kyndon ïa kiba donkti ban pynïaid iew bad ban khaii ïa u drok, ban pynlong ïa ki jingpynshai paidbah da ka jingïashim bynta lang jong ki paidbah ban ïakhun thma pyrshah ïa u drok bad ban ïatreilang ryngkat ryngkat bad ki kynhun bapher bapher/Agency/ki tnat treikam bad kiwei kiwei, hapoh ka Sorkar Jylla bad ka Sorkar Pdeng khnang ban dup kynjoh sha ka thong ban pynlong ïa ka ri India kaba laitluid na u drok.
