Pynthikna u Lat ka jylla ba dang don ka lad ban sumar ïa ki khynnah bym lah ban ïohi

Shillong, Naiwieng 14: Ka Raj Bhavan, ha ka jingïatreilang bad ka tnat Social Welfare, ha ka sngi Thohdieng ka la rakhe ïa ka sngi burom ki khynnah da ka prokram ba kyrpang ha kaba la donlang ki khynnah kiba ïapher bad ba duna ha ki bor met.
U Lat ka jylla C. H. Vijayashankar, ba la synranlang da ka tnga jong u, ki la ïashim bynta ïa kane ka prokram bad ka Director ka tnat Social Welfare ka Kong Camelia Doreen Lyngwa, ki ophisar na tnat, ki nongri nongsumar bad kiba shah khot sngewbha.
Haba kren ha ka jingïalang u Lat ka jylla C. H. Vijayashankar u la pynpaw ka jingkhublei kaba kyrpang ïa ki khynnah bad pynpaw ruh ka jingkongsan kane ka jingrakhe bad ki khynnah kiba don na ki skul bapher bapher bad kiba im ha ki shah ktah ka bor met. U la ong ba kane ka sngi ka long kaba don jingmut na ka bynta ka Raj Bhavan, kaba la lah ban khot ïa ki khynnah bad ki jingdon bapher bapher bad pynpaw ruh ka bor kaba kmen ïa ki khynnah ba ki dang don ka lad ban phah sumar ïa ki khmat jong ki ha jylla Kerela.
U Vijayashankar u la kdew ba ki don katto katne ki khynnah kiba la duhnoh ïa ki bor ïohi ba lah ban dei na ki bor ïohi ne haka por ba ki shah sumar ki dang lah pat ban phah sumar biang ïa ki khmat jong ki. U la banjur ïa ki jingdon ki nongkyrshan bad ka jingtuklar ka lad sumar kaba biang. U lat u la kyntu ïa ka tnat Social Welfare ban lumthup ïa baroh ki kyrteng jong ki khynnah ki bym lah ban ïohi ba kynthup naduh kito kiba dang kha bad ki bym ïoh ka bor ïohi da kham hadien khnang ban lah ban shim ïa ki sienjam kiba bha ban ïarap ïa ki.
U la ïathuh ba katto katne ki hospital, khamtam ha Kerala, ki la biang ban ai jingsumar ïa ki khynnah kiba hapoh 14 snem ka rta ba ïadei bad ki jinglong jingman jong ki khmat bad la tip ruh ba ki ai ki jingtyrwa ban ai ka jingsumar kaba biang lyngba ka Ayurvedic na ka bynta ki khmat. Na ka bynta kito kiba duna bor ïohi tang shlliang, u la ong ba ka jingsumar kaba 15 sngi kaba lah ban pynbha ïa ka ïohi lada la bud bha ïa kane ka jingsumar. U la lat u la pynthikna ba ka sorkar ka lah ban kyrpad ïa ka hospital ban pdiang ïa ki khynnah na ka jylla ha ki kynhun kynthun ban ai jingsumar.
Haba pynskhem ïa ka jingshimkhia bad jingkitkhlieh jong ka jylla na ka bynta ka bha ka miat ki khynnah kiba duna ha ki dkhot met, u Vijayashankar u la ong ïa ka jingkyrshan kaba lah na ka liang jong u. U la kyntu ïa ka tnat ban ithuh bad hikai ïa kito ki khynnah kiba don ki sap, ba kin long janai kum ki nongtem, nongjngi ne ki nongrwai da ki jingai jinghikai kiba bha bad ki jingïalam lynti.
Ha kane ka jingrakhe la don ki jingrwai da ka GTC band, kiba dei khynnah na ka Jyoti School, bad ki jingwai jingtem na ki arngut ki khynnah ba duna dkhot met na ka ASHA School, Shillong.