Shillong, Naiwieng 30: U MDC ka BJP na Tura u Bernard N Marak u la kyntu ïa u Myntri Rangbah u Conrad K Sangma ban pynthikna ba ki samla pule Scheduled Tribe (ST) kin dei ban ïoh ïa ka Umbrella Scholarship kaba pura kumba dei hok ban ïoh bad ïa kane ki dei ban ïoh ha shwa ka Christmas kaba long ruh kum ka jingai sngewbha ïa ki.
Na ka liang jong u Marak u la pynrem ruh ïa ka sorkar ba ka la pynlait tang khyndiat ka pisa na ka dor kaba dei ban pynlait ha kaba u la ong ba kane kam long kaba shai na kaba dei hok ban ïoh da ki samla pule ST.
U Marak ula pynpaw ïa ka jingsngewkhia ha kaba ïa kane ka kam da kaba kynthoh ba bun na ki samla pule jong ka thaiñ Garo Hills ki ïoh pdiang duna.
“Kiba bun na ki samla pule jong ka Garo Hills ki la ‘ohpdiang duna ban ïa kaba khmih lynti kumba kam u CM ha ka jingpynbna paidbah,” u la ong.
Na ka liang jong u Myntri Rangbah u la pynlait ïa ka pisa kba T. 130 klur na ka bynta ki samla pule kumba jan 70,000 na ka bynta ka snem 2024-25.
