Nongstoiñ, Nailar, 07: Ïa ka District Level Sensitization Programme jong ka World Day Against Trafficking, la pynlong ha ka sngi thohdieng ha conference Hall DC Office Nongstoiñ. Ïa kane ka programme la pynlong da ka National Commission for protection Child Right, ryngkat ka jingiasnohkti lang bad Meghalaya State Commission for Protection Child Right, ka Office jong u Deputy Commissioner bad ka District Child Protection Unit West Khasi Hills District.
Ka jingthmu jong kane ka programme ka long ban pynsngewthuh ïa ki paitbah nongshong shnong, ïa ka jingsniew jong ka jingpyntreikam jubor ia ki khynnah ha kino kino ki jaka treikam.
Ha katei ka prokram la pynshai ruh ba ka jingthombor ïa ki khynnah kiba dang rit karta, la ka long ha kino kino ki liang, ka long kaba beaiñ haduh katta katta. Ha katei ka sngi, ka Kong Smirta. K. Shah Senior Technical Expert National Commission for Protection of Child Right, ka la batai shai bha halor kitei ki mat kiba donkam.
Na ka liang ki officer la donlang u Additional Deputy Commissioner bah H.K. Thabah, bah W. Shabong District Child Protection Officer, kong V. Blah Deputy Labour Commissioner kaba dei ruh ka Chairperson bad ka dkhot jong ka Child Welfare Committee, ka dkhot jong ka Juvenile Justice Board, Special Juvenile Police Unit and Anti Human Trafficking Unit.
