Shillong, Jymmang 30 : Haka sngi saitjaiñ 28.05.2022 ki heh nongïalam jong ka Party NPP 3 Raliang Block kila wan ban thung pynskhem ïa ka Unit jong ka Party ha ka Shnong Kyndongtuber haka jingïadon lang U President Ma Ngaitlang Suchiang, Secretary Ma H. Iakai, u MLA Ma Comming One Ymbon, ki dkhot ka NPP na ka Raliang Block bad ki riew rangbah naka shnong Kyndongtuber. Kane ka jingpynskhem ïa kane ka Unit ka long da ka jingthmu ban trei borbah ban wanrah ka jingjop ba donburom biang ïa u MLA u ma Comming One Ymbon.
Ha kane ka sngi la jied ïaki nongkitkam jong ka Kyndongtuber Unit kumne :- President – Ma Harbiwel Kyndait, Vice President – Ma Moses Dkhar, Secretary – Ma Ngaitlang Chyrmang ,Assistant Secretary – Ma Everlastingson Pakma,
Treasurer – Ma Rilinius War.
Kiwei kiwei ki rangbah, ki samla bad ki longkmie kum ki dkhot ka Executive Body bad yn sa pynrung sha ka Party ïa baroh kiba don jingmut ban pynïasoh.
ïa kine ki nongkitkam la pynskhem da u President ka NPP 3 Raliang Block u Ma Ngaitlang Suchiang. Haba ai jingkren hakane ka jingïalang, u Ma Comming One Ymbon u la pynpaw ka jingsngewkmen ba ka Party NPP ka la sdang ban suhthied biang hakane ka shnong bad ki thaiñ ba marjan kiba don hapoh ka Constituency jong u. U la kyrpad ruh ïa baroh ki paidbah nongshong shnong ban ai biang ka jingkyrshan ïa u sa shisien khnang ba un pynurlong ïaki kam kiba dangsah kiba ïadei bad ki kam pynroi.
Kiwei kiwei kiba ai jingkren na ka liang ki nongshong shnong kila pynsngew ba ka jingplie ïakane ka Unit ka dei na ka daw ba u MLA u la leh shibun ki kam ba bha bad ki kam pynroi haka shnong. Kumta ban siew kylliang ïa kane ki la rai ban rung sha ka Party ban kyrshan ïa u haka election ka ban long ha u 2023.
