Pynskhem u bah Charles Pyngrope ïa ki nongkitkam jong ka MPTC Mawkyrwat Block

Mawkyrwat, ‘Nailur 26: U bah Charles Pyngrope, MLA & kum u President jong ka Meghalaya Pradesh Trinamool Congress (MPTMC) u la ïoh ban pynskhem ïa ki nongkitkam ba thymmai jong ka Meghalaya Pradesh Trinamool Congress Mawkyrwat Block (MPTCMB) ha kaba u bah Sounder Strong Cajee u long kum u President.
Kiwei pat ki nongkitkam jong ka MPTCMB kiba la ïoh ban pynskhem ki long Vice President u bah Darossing Ramsiej, u bah Donbor Nongsiej, u bah Bokstone Thongni, bad u bah Kordorlyne Kharlyngdoh, General Secretary u bah Remdor Shylla, Joint Secretary u bah Phaibor Paliat, u bah Bul Paliar bad u bah Benjohson Lyngdoh.
Ïa ka jingïalang ban pynskhem ïa kitei ki nongkitkam ba thymmai jong ka Meghalaya Pradesh Trinamool Congress Mawkyrwat Block la pynlong hapoh madan Saitsnad, Mawlangwir, South West Khasi Hills District ha kaba da ki hajar ki paidbah ki la wan tuid ban sakhi.