Dangar, Risaw, 30: Kum shibynta ban rakhe ïa ka “Azadi ka Amrit Mahotsav”, ka BSF Brass Band ka la pyni nam ïa ka sap tem sap put na Dangar Dombah Upper Primary School, East Khasi Hills kaba la pynshoh biej lut ïa ki paidbah kiba wan shim bynta ha kane ka prokram.
Ha kane ka sngi la wan shim bynta da palat 300 ngut ki paidbah ba kynthup naduh ki khynnah skul, ki nonghikai skul bad ki riew paw khmat na kane ka thaiñ.
Na na liang ka kynhun tem ka BSF ka la pynshoh bieit ïa ki paidbah da ka jingtem ïa ki sur jingrwai ieid ri ba shoh jingmut na ka sap kyrpang jong ki.
Ki paidbah kiba la wan sngap ïa kane ka jingtem jingput ki la pynpaw ïa ka jingpynlong ka BSF ïa kane ka prokram bad ki la ong ruh ba da kane ka jingleh ka BSF ka mynsiem ieid ri ha ka dohnud ki samla bad ki nongshong shnong jong kane ka shnong khappud.
