Shillong, Jymmang 19: Ki bor pynïaid District ka East Khasi Hills District ha ka sngi Nyngkong ka la sdang ïa ka pre-recruitment coaching cum training na ka bynta ki kyrtong ban ïakhun ïa ka kam shipai Agniveer (Indian Army) ha KJP Synod Girls Higher Secondary School Mawkhar.
Kane ka jingai jinghikai kaba 45 sngi ka thmu ban ai ki jinghikai ïa ki samla kiba kwah ba ïa ki samla kiba kwah ban ïakhun ïa ka kam shipai ba kin lah ruh ban ïaleh ïa ki eksam Common Entrance Exam kaba dei ban long ha u bnai Jylliew ne ka taïew ba nyngkong jong u bnai Naitung 2025.
Ïa kane kane ka jingai jinghikai ha ka sngi kaba sdang la wan ban shim bynta da u Commisisoner and Secretary, GAD Cyril Diengdoh ha ka jingdonlang ka deputy commissioner ka kong R M Kurbah, Col Vinay Kumar, Director Army Recruitment Office, S Warjri, MCS Additional DC bad Lt Col (Retd) S Marbaniang, Zila Sainik Welfare Officer.
Haba kren sha ki samla kiba kwah ban ïakhun ïa ka kam shipai na ka liang u Bah Cyril Diengdoh u la pynpaw ïa ka jingdonkam ban rung ha ki kam shipai jong ka ri naba kane kadei ka lad ai kam aijam ïa ki samla naba kane ka dei ka kam kaba donburom.
U la pynshlur ruh ïa ki samla ba kin shim bynta ha ki coaching bad ki jingai jinghikai manla ka por khnang ba kin lah ban pyndep ïa ka Common Entrance Exam bad Physical fitness test.
Katba ka kong R M Kurbah, Deputy Commissioner ka la ong ba kum kine ki jingai jinghikai ba khlem donkam ban siew ba la pynlong da ka bor pynïaid District ka long ban ailad ïa ki samla ban ïoh ki lad jingtip bad ba kin lah ban pyndep bad pass ha ki Entrance exam bad physical test. Ka la ong ba kito kiba la pass ïa ki written Entrance exam kin ïoh pat ki jingshah hikai kaba 30 sngi ha kaba ïadei bad ka physical training.
