Shillong, Lber 02: Ki bor pynïaid jong ka District East Khasi Hills h ka sngi Nyngkong ki la pynlong ïa ka jingai jinghikai ne ka career guidance program ha Soso Tham Auditorium, Shillong, ban pynsngewthuh ïa ki samla ban pynkhreh ïa ka jingpynrungkam shipai ne ka Agniveer (Indian Army) bad Agniveervayu (Indian Air Force) ha une u snem uba mynta. Ïa kane ka prokram la donlang da ka Kong R. M. Kurbah, IAS, Deputy Commissioner, East Khasi Hills District, nangta u Bah S. Warjri, MCS, Additional Deputy Commissioner, East Khasi Hills District.
Ha kane ka prokram la wan ban ai jinghikai da u Col. Vinay Kumar, Director ka Army Recruiting Office, Retired Lt. Colonel Sebastian Marbaniang, Zila Sainik Welfare Officer bad na ki shipai ka ri India.
Na ka liang ka Deputy Commissioner, East Khasi Hills District, ka Kong R. M. Kurbah, IAS ka la kyrpad ïa ki samla ba ki dei ban shim kabu ïa kane ka jingïohlad kaba long ka jingplie lad ha ka ïohkam ïohjam.
Ka la pyntip ruh ba ki la don kumba 700 ki kyrtong na ka thaiñ kiba la pynïasoh ïa ka Agniveer bad sha ka kam shipai BSF mynshem snem.
Na ka liang u Col. Vinay Kumar, Director ka Army Recruiting Office, u la ai ki jingtip ïa ki samla kumno ba kin ïaid sha kane ka kam ban ïoh kam shipai na ka bynta u ne u snem.
Ha kane ka sngi la don ruh ki jingbatai kiba bniah halor baroh ki jingdonkam ha kaba ïadei bad ka jingrung ha ki kam shipai.
