Pynshai paidbah ka ophis DPO-EJH halor ka “Meghalaya Right to Public Services Act”

Khliehriat Jylliew 27 : Ka Ophis jong u District Planning Officer, East Jaiñtia Hills District, Khliehriat hynne ka sngi Nyngkong ka la pynlong ïa ka jingpynshai paidbah halor ka “Meghalaya Right to Public Services Act, 2020, ha ka jingïalang kaba la long hapoh NIC Conference Hall, jong ka ophis u Deputy Commissioner, EJH.“ Ha kane ka prokram la ïa don lang ki resource person na ki tnat bapher bapher kaba kynthup na u ophisar ka Tnat District Disaster Management EJH u Bah D. Lyngdoh, na ka District Informatics Kong I. Rymbai, Sub-Inspector of Supply, Bah M. Sohkhlet, bad e-District Manager Bah R. Pohrem kiba la kren halor kiba bun ki mat kiba iadei bad ka “Meghalaya Right to Public Services Act, 2020.” “ Haba aijingkren halor kane ka Act, na ka liang u Bah D Lyngdoh u la kdew ïa ka list jong ki jingai jingshakri kiba don hapoh kane ka Act, bad u la pyntip ruh halor kiba bun kiwei pat ki kyndon ba la pyntreikam hapoh kane ka Act ha kaba ki ophisar ba dei khmih ki lah ruh ban ngat ha ka jingshah pynshitom, dain kuna bad siew ïa ka bai lutksan bad kiwei pat. “ Nalor kata ula pynpaw ruh halor ka hok jong ki nongshong shnong ban kyrpad sha ka Meghalaya Right to Public Services Commission lada jia ba u ne ka kim ioh ïa ka jingshakri kaba ki donkam na ki ophis ba dei khmih hapoh ka por ba la buh.“ Katba na ka liang ka District Informatics Officer, EJH, ka Kong I. Rymbai ka la ai ka jingpynshai halor ka jingkongsan ha ka jingshakri lyngba ki kor ki bor jingstad jong kane ka juk ba mynta.“ Kiwei pat kiba la aijingkren ha kane ka sngi ki kynthup ruh ia u Bah R Pohrem e-District Manager, Sub-Inspector Supply, EJH u Bah M. Sohkhlet bad kiwei.”