Shillong, Jymmang 25: Ka Sorkar Jylla hynne ka sngi balang kala mynjur ban pynsangeh noh ïa ka jingsiew lypa ïa ka bai bording (up-front payment) ba T. 1 lak shi megawatt sha ka North Eastern Electric Power Corporation (NEEPCO).
Ïa kane la pyntip da u Myntri Rangbah ka Jylla Conrad Kongkal Sangma hadien jong ka jingïalang ka Kynhun Myntri haba ïathuh ba na ka project Umiam Stage-I ba pynmih bording 50MW bad Umiam Stage-II Hydro Electric Power Project ba pynmih 100 MW jong ka Wah Umtrew, Ri-Bhoi District, ka Ministry of Power bad NEEPCO kila kyrpad ban pynsangeh noh ïa ka jingsiew lypa ïa ka bai bording.
U Conrad la ong ïathuh ruh ba ki (MoP/NEEPCO) kila kyrpad ruh ban pynsangeh noh ïa jingai bording ba ju ai ei haduh 12% sha ka Sorkar Jylla.
“Naba ka NEEPCO ka dei ka Public Sector Undertaking, ngi la mynjur ban pynsangeh noh ïa ka jingsiew lypa ïa ka bai boring kaba long kumba T. 1lak ha ka shi megawatt hynrei ngin ym lah pat ban pynsangeh ïa ka 12% ka bording ba ki dei ban ai ei sha ka Jylla” bynrap u Conrad.
