Shillong, Naitung: Ka jingpynrung kam shipai na ka bynta ki samla shynrang jong baroh ki district ka jylla Meghalaya bad ki sawtylli ki district ka Assam (Sonitpur, Bishwanath, Nagaon bad Morigaon), kata na ka bynta ki Agniveer (General Duty), Agniveer (Technical), Agniveer Tradesmen kan long ha ka 27 tarik u Nailur 2022 haduh ka 10 tarik u Risaw 2022 ha Manekshaw Stadium,8 Gorkha Training Centre, Happy Valley, Shillong, Meghalaya.
Ki ba la pyndep ïa ka klas X ki lah ban aplai ïa kitei ki post bad na ka bynta ki Agniveer Tradesmen ki ba la pyndep ïa ka klas VIII.Ki ba don jingthmu ki lah ban leh noh lyngba ka online Registration bad ban phah ïa ki aplikeshon bad yn pynkut ïa kane haduh ka 3 tarik u Nailar 2022.
Ki samla ki ba don jingthmu ki lah ban leit lyngba ka website www.joinindianarmy.nic.in ban khmih halor ka jinglah ka jong ki, ban rejistar bad ban shna ïa ki profile jong ki.Ki lah ban login ha lane hadien ka 14 tarik u Nailur 2022 bad ban shim ïa ka jingthoh ba la print jong ka admit card ïa ka ba ki hap ban rah sha katei ka rally.
Nalor kata ki lah ruh ban phone sha u Sreeprakash J, Wing Commander, PRO Defence, Meghalaya ha u nombor +91 9362047525 na ka bynta ki jingtip ba kham bniah.
