Shillong, Nailur, 29: U Lat ka jylla ha ka sngi Balang u la pynrung dkhot hapoh ka Regional Committee na ka bynta ka Ri-Bhoi District, ïa u MLA bad ïa u MDC ka Jirang Constituency u Bah Sosthenes Sohtun bad u Bah Victor Ranee.
Ïa kane la pyntip da u Chief Secretary ka Jylla u Bah D.P.Wahlang ha u kyrwoh ba la phah sha ki lad pathai khubor ha ka sngi Balang hadien ba ïa kine ki arngut ki Nongmihkhmat paidbah ym shym la kynthup satia hapoh ka Committee hadien ka jingpynbna ïa ka jingthaw ïa ki Regional Committee dang shen ban sorjamin bad ban jurip ïa ki shnong kiba hap hapoh ka jingïapynbeit pud hapdeng ka Sorkar Meghalaya bad ka Sorkar Assam ha ka wat kaba ar.
