Shillong, Naiwieng 24: Ka Khun Hynñiewtrep National Awakening Movement (KHNAM) ka la pynrem jur ïa ka “Mission for Youth Empowerment” jong ka sorkar jylla ha kaba ka la ong ba kane ka dei ka skhim saiñ pyrthei.
Kane ka jingkynthoh jong ka seng ka la wan hadien baka party ka la ïohi ba u Myntri Rangbah u Conrad K Sangma u la pyni ha ka dur “unchangeable walpaper” ha ki tablet ba la ïohpdiang da ki khynnah class XII ha ka sngi Nyngkong.
“Ngi sngewphylla ban ïohi ïa ka dur jong u Conrad K Sangma ha ka wallpaper hapoh ka Tab bad kaba ym lah satia ban pynkylla. Ngi la ïohi ha ki por ba mynshwa ha ka “CM Guide Book” ka cover jong ka kot kaba la don ka dur jong u Conrad K Sangma,” ong u Working President ka KHNAM u Bah Thomas Passah.
