Shillong, Risaw, 10: Ka Jaiñtia Students Union (JSU) Central Body ka la pynrem jur ïa ka jingpynthud ki Karbi ha ki jaka ot kba ki Khasi Pnar kiba long ki nong shong shnong ka Lapangap, ha ka sngi Palei. “Ngi ïohi ba na ka por sha ka por hapdeng ka jingpahara ki pulit Meghalaya bad Assam tangba ki Karbi ki ju mlien ban leh bor wat hakhmat ki Pulit Meghalaya bad Assam,” ong kyrwoh na ka seng.
“Ngi sngewsih ïa ka jingkhladnoh uwei na ki paralok Karbi ha ka jingïakajia ha ka jaka otkba bad ngim kwah shuh ba kan dang ïai jia nangne shakhmat bad ngi pynrem jur ïa ka jingleh ki Karbi ba ki wan tur sha ka jaka ot kba ki Pnar bad ngi ïohi ba kine ki briew kim burom shuh ïa ka Status Quo kumba ki la ïuhroit ïa ka hok longbriew manbriew,” la ong u kyrwoh bad bynrap, “kumba ngi tip ba ka Regional Committee jong baroh ar tylli ki Jylla ki dang ïaid shakhmat ban pynbeit ïa kine ki jaka ba ïakajia.
