Shillong, Naitung 30 : Ka United Democratic Party (UDP) ha ka sngi Balang ka la pynrem jur halor ka jingshah kem jong arngut ki sister jongka Balang Katholik ha Chhatisgarh bad dawa ruh ïa ka jingtohkit ka bym shah liang halor katei ka jingjia.
Na ka liang u Working President jong ka UDP Bah Titos W Chyne u la dawa ruh ba dei ban pyllait noh mardor ïa ka Sister Vandana Francis bad ka Sister Preeti Mary bad kyntu ba ïa ka ejahar pyrshah ïa ki dei ban weng noh.
Ha kajuh ka por u la kynthoh ruh halor katei ka jingkem da kaba ong ba kane ka long pyrshah ïa ka hok bad ka jingshngain jong ki rit paid.
