Jowai, Naiwieng 6: Ka Jaiñtia Students’ Union (JSU) seng kmie ka la pynrem jur ïa ka Sorkar Meghalaya lyngba ki police department ba ki la shim ia ka ain ha ki kti ha ka miet 4 tarik ban shoh ban tied ïa ki Dkhot ka MCTODA kham tam ïa u Adviser barim ka seng u Heibor Pariat u ba long u President ka Unit u la shah shoh shah tied la kum u mrad ha ki video ki ba la long viral bha ha ki lad pathai khubor.
Ka Seng ka la sngew phylla bha ba u Deputy chief minister u Bah Preston Tynsong u Ong balei ki nong Jaintia ki wan ia khih sha East Khasi hills district ka Seng ka don tang ka Wei ban Ong ba ha ka 4th December 1997 Reciprocal Agreement between the govt of Assam And Meghalaya ba ki kali Assam ki lah ban kit 1hajar kali bad ki kali Meghalaya ki lah ban kit 2hajar kali bad ki lah ruh ban ia khih sha duh rilum garo hills lane Assam.
Ka Seng ka la dawa na ka Sorkar ba ka dei ban pyllait mardor ïa ki nongïalam ka MCTODA Khlem da pyn ngat ha ki no ki no ki kyndon jong ka aiñ namar ka MCTODA ka khlem ïakhih pyrshah ïa ka aiñ kaba dei ka hok jong u nongshong Shnong hapoh jylla.
Ka Seng ka la pyrkhat ba ka lah ban leit ujor sha ka Meghalaya Human Rights Commission ban pyrshah ïa ki pulit ki ba pyndon kam bakla ïa ka aiñ. Te lada ka sorkar kam sngap ïa kane ka jing dawa ka seng kan sa shong pyrkhat ban leh ïa kaba donkam.
