Shillong, Lber 31: Ha ka jingpyrshang ban pynsaphriang ïa ka jingsngewtynnad shaphang ka science bad ban kyntiew ïa ka jingtip ba kham bniah jong kane ka subject hapdeng ki khynnah skul, ka Chemistry Department jong ka Lady Keane College, ka la pynlong ïa ka Science Popularisation program hapoh Secondary School jong ka shnong Syntung, East Khasi Hills District ha ka 27 tarik u Lber 2026.
Kane ka Prokram ka la wanrah ïa ka rukom ban pynsngewthuh ïa ka subject science lyngba ki kam ba la leh da ki kti (practical) bad ka pynlong ïa ka science kaba kham suk ban sngewthuh bad kaba sngewtynnad ban pule na ka bynta ki khynnah jong katei ka skul.
Kane ka program ka la ai mynsiem bad pynshlur ïa ki khynnah skul ba kin sngewtynnad ban pule shaphang ka science bad ki jingmyntoi ba bun jait ba ïoh na katei ka subject ha kaba ïadei bad ka jingim ba man la ka sngi.
Kane ka prokram ka la ïoh ïa ka jingkynthoh kaba sngewtynnad bha na ki khynnah bad nonghikai jong katei ka skul. Ki la pynpaw ïa ka jingsngewkmen bad jingmyntoi khamtam na ki jingpyrshang ba la leh da ki kti (practical).
Ki nonghikai jong kane ka skul ki la kdew ba kane ka prokram ka long ka lad kaba bha tam ban pynsngewthuh ïa ka jingmut theory ba la hikai ha kamra klas bad la pynsngewthuh pat lyngba bun jait ki experiment ba la pyni da ki samla pule jong ka Lady Keane College.
Kane ka wanrah ruh ïa ka jingsngewthuh kaba kham jylliew shaphang ka jingpyndonkam ba shisha bad jingmyntoi jong ka science.
