Pynpaw jingsngewkhia u MDC ban buh ïa ka Park University ha New Kantolguri reserve land

Shillong, Nohrah 02: U MDC ka Garo Hills Autonomous District Council (GHADC) u Rinaldo K Sangma u la thoh sha u Deputy Commissioner, North Garo Hills, u la pynpaw ki jingsngewkhia halor ka jingtyrwa ban buh ïa ka Park University ha New Kantolguri reserve land. Ïa kane ka university kadei kaba pynïaid da ka Jaipur-based organisation Gyansham Bhora Charitable Trust.
Ha ka shithi, u Sangma u la ong ba ka jingmynjur jong ka sorkar ban buh ïa ka university ka long ka jingkylli kaba khraw naba kane ka jaka ka dangdon jingtohkit judicial hapoh ka District Council Court.
U la banjur ïa ka kam kaba dei jong ka A’king land, kaba la pynneh da ka community, bad aiti ïa ka jaka ka hap hapoh u pud u sam jong ka Garo Hills Autonomous District Council, kaba long katkum ka Sixth Schedule jong ka Constitution.
“Ka sorkar jylla kam donhok bad kam lah ban ïaid lait ïa ki aiñ ka Garo Hills Autonomous District Council bad ka district council court bad halor ka A’king land,” ong u Sangma, da kaba kyntu ïa u Myntri Rangbah ban tuklar bad ban ïada na kano kano kam bor pynïaid kaba lah ban pynhiar dor ïa ka bor GHADC.
U Sangma u la kyrpad ba ïa kane ka jingpynpaw jong u dei ban shimkhia da ka sorkar ban ïada na ka ex-parte action, ka land registration, ne ki hukum administrative haba ïadei bad ka New Kantolguri reserve land tad haduh ba la dep rai dïa ka jingtohkit ka Ïingbishar